Претседателот на Демократското движење Изет Меџити рече дека сите политички субјекти во коалицијата ВЛЕН имаат став дека на локалните избори треба да се користат кандидати, листи, штабови, платформи и заеднички програми, додавајќи дека во некои места има оценки дека треба да се излезе од коалицијата и да се поддржат независните кандидати.
„Во однос на листите, односно овде ставот на сите политички субјекти во ВЛЕН е да одат со заеднички кандидати, со заеднички листи, со заеднички штаб, со заедничка програма и платформа, дури и таму каде што има анализа и оценка дека и ние треба да излеземе надвор од ВЛЕН, да поддржиме независен кандидат, и тоа ќе го направиме.
Во однос на листите, односно градоначалниците на општините се избираат по мнозински модел, додека листите по системот Д’Онт, кој ги фаворизира големите, односно нема смисла да сме во големите, а сега преминуваме на малите, затоа што тоа значи поделба и губење гласови што ќе одат во корист на ДУИ, тогаш прашањето за кого работиме ние?
Значи сите политички аргументи се во прилог да се оди со заеднички листи, а со оглед на тоа што веќе има иницијатива ВЛЕН да се спои во една, така што нема дилема, ВЛЕН ќе има кандидат, листа, кадар, програма“, рече Меџити.
