Овогодинешниот извештај на Индексот на активна транспарентност 2020 на Центарот за граѓански комуникации покажува дека Министерството за одбрана е лидер на листата на сите институции на централно и на локално ниво во активната транспарентност.
Според извештајот, ова е скок за 40 места според активната транспарентност на министерството за одбрана, за само три години.
„За првпат во последните пет години откако се изработува овој индекс, едно министерство се наоѓа на врвот на табелата. Годинава на прво место со најголема активна транспарентност е Министерството за одбрана. Најголем пораст има кај Министерството за одбрана, кое со 97,9 % е најдобро рангирано министерство, но и најдобро рангирана институција од сите 98“ стои во извештајот.
Од министерството велат дека во последните три години биле направени големи чекори напред во однос на достапноста на информациите за работењето на министерството за одбрана.
„Фактот дека последните години сме во врвот, а годинава на првото место покажува дека Министерството за одбрана како одговорна институција не отстапува од зацртаната определба да биде целосно отворено за јавноста и граѓаните за кои и постоиме“, велат од министерството.
Во рамки на своите заложби за одговорни и транспарентни институции и за одговорност и транспарентност во располагањето со јавните финансии – трошењето на парите на граѓанките и граѓаните, ЦИВИЛ, во соработка со новинарот Игор К. Илиевски, направи анализа на финансирањето и начинот на извршувањето на буџетот на Министерството за одбрана.
Публикацијата може да ја преземете ТУКА.
А. П.
