Мрежата за заштита од дискриминација бара од Собранието да не го гласа предлог – Законот за установи за средно образование на верските заедници.
Според нив Законот е противуставен и правно неусогласен, задирајќи во секуларниот карактер
на државата. Мрежата претходно реагирала, но Комисијата за образование, наука и спорт го оцени како прифатлив и го даде на понатамошно читање.
„Освен фактот што одредби од предлог-законот се неуставни, истиот содржи одредби коишто се неусогласени едни со други. Апелираме до пратениците да не го гласаат предлог-Законот и да внимаваат на уставните одредби при гласање и предлагање на закони. Од друга страна, особено загрижува фактот што Собранието, по втор пат, предлага закон со содржина којашто претходно Уставниот суд ја има оценето како неуставна, со што се загрозува принципот на поделба на власта“, велат од Мрежата.
Тие предупредуваат дека ваквиот однос на законодавниот дом сериозно го загрозува принципот на поделба на власта.
“Оттука, апелираме Собранието да не го изгласа предлог-Законот, и Владата да се откаже од носење на закони коишто се спротивни на Уставот и задираат во принципот на секуларност’, реагираат од Мрежата.
Во извештајот на Комисијата за образовение наука и спорт се вели дека Предлогот на законот за установи за средно образование на верските заедници е прифатлив и треба да се даде на натамошно читање. Со предлог закнот создавање законска можност за полагање на државна матура согласно со Законот за средното образование и Концепцијата за државна матура, училишна матура и завршен испит, со што непречено ќе можат да го продолжат образованието на универзитетите во државата.
