Русија ги пали полињата со жито во Украина, носи уништување, смрт и пустош, напиша на Твитер Михаило Подољак, советник на шефот на кабинетот на претседателот, објавувајќи видео од украинските полиња со жито изгорени од руските напаѓачи, пренесува Укринформ.
„Изгорени ниви во Украина. Ова е лицето на „рускиот свет“: уништување, смрт и пустош. Најголемата желба на Русија е така да ја гледа Европа. Линијата на поделба меѓу нашиот свет и пеколот сега е во Украина и ние ќе го вратиме злото назад во чистилиштето. Потребно е само оружје за егзорцизам“, напиша тој.
Како што е соопштено, руското гранатирање предизвикува пожари во полињата со жито низ Украина. Конкретно, вечерта на 11 август, началникот на регионалната воена управа на Суми, Дмитро Живицки, извести за уништување на поле со пченица од страна на руските напаѓачи во заедницата Нова Слобода./Фронтлајн/
