Конечно е познат составот на Советот за безбедност при Кабинетот на Претседателката Гордана Сиљановска Давкова. Согласно своите уставни надлежности, за членови на Советот за безбедност ги именуваше Малинка Ристевска Јорданова – експерт за евроинтеграции, Џевдет Хајредини – поранешен министер за финансии и Владимир Спиридонов – експерт за климатски промени.
ЦивилМедиа го постави ПРАШАЊЕТО НА ДЕНОТ: Што мислите за составот на Советот за безбедност на Претседателката?, давајќи им можност на граѓанките и граѓаните да го кажат своето мислење за вака формираниот состав на Советот.
Составот на Советот на безбедност: Африм Гаши, претседател на Собранието, Христијан Мицкоски, претседател на Владата, Панче Тошковски, министер за внатрешни работи, Владо Мисајловски, министер за одбрана, Тимчо Муцунски, министер за надворешни работи и надворешна трговија, Џевдет Хајредини, Малинка Ристевска Јорданова, и Владимир Спиридонов.
Претседател на Советот за безбедност е претседателката Гордана Сиљановска Давкова.
Ова прашање ЦИВИЛ го постави на своите социјални профили и ги повика сите свои читателки и читатели да одговорат во коментари или во пораки, ако сакаат да останат анонимни.
Анонимност
Јасно е дека некои прашања се деликатни, така што, освен во коментари, секогаш постои можноста да се биде анонимен, па одговорите на Прашањето на денот да се даваат анонимно, во порака на месинџер или на другите онлајн контакти на ЦИВИЛ.
Редакцијата ЦивилМедиа ги повикува сите засегнати да споделуваат и коментираат. Најдобрите одговори, вклучително и анонимните, ќе бидат објавени во посебен прилог.
Редакција ЦивилМедиа
