Премиерот Христијан Мицкоски вчера (1.08.2024 година) на својот фејсбук профил сподели објава со повеќе фотографии. На една од нив премиерот видно задоволен, прави селфи фотографија со свои обожавателки.
„Во пресрет на најголемиот национален празник Илинден, Денот на Републиката! Нека овој ден ни биде потсетник за храброста и слободољубивиот дух на нашите предци“, нагласува премиерот Мицкоски во објавата.
Македонија гори, На помош се очекуваат уште шест хеликоптери и четири ер трактори кои се дел од Механизмот за цивилна заштита на Европската Унија. Во меѓувреме, власта вели дека добро се справува со пожарите, додека, опозицијата обвинува за колапс. На територијата на државава во текот на вчерашниот ден имало 20 пожари на отворено, соопштија од ЦУК.
Директорот на Центарот за управување со кризи, Стојанче Ангелов, ја оценува ситуацијата како сериозна. Преку видео изјава соопшти дека еден од најтешките пожари за гаснење е пожарот кој се движи на граница помеѓу Светиниколско и Пробиштипско, односно во селото Орел.
Министерката за финансии Гордана Димитриеска-Кочоска вели – Ако ги намалат функционерските 78% плати, дека ќе си замине од позицијата министер.
На новинарско прашање дали ќе се намалат функционерските плати откако тие минатата година по одлука на Уставниот суд се зголемија за 78% одговорила дека решението не е во намалувањето, оти, како што рекла „додека министрите работат многу и напорно, други се одмараат на викенди и празници“, притоа додавајќи дека доколку се планира платите да се намалат, таа ќе замине од позицијата.
Ј. Ѓорѓиоски/ Фронтлајн
