Системот Леонардо се состои од 4992 пресметувачки елементи, распоредени во 155 ормари, поставен на преку 600м2 простор, со вкупно 2800 Тера бајти RAM меморија и преку 110 Петабајди простор за складирање. Врвните перформанси достигнуваат 250 PetaFLOPS. Вкупната потрошувачка на енергија е околу 6000 kW.
Европскиот суперкомпјутер Leonardo, хостиран и управуван од Cineca, кој ќе биде инсталиран во 2022 година во новиот центар за податоци лоциран во Технопол во Болоња, е еден од трите системи pre-exascale објавени од EuroHPC Joint Undertaking.
Cineca има долга историја – од нејзиното основање во 1969 година – во снабдувањето со најмоќните суперкомпјутери во светот. Силното партнерство со иницијативата EuroHPC доведе до реализација на проектот Леонардо, значаен чекор напред во подигањето на европските истражувања во областа на компјутерските науки. Крајната цел е да се зајакне европското присуство во компјутерите со високи перформанси, стратешко средство за промовирање на технолошкиот раст на земјите-членки на Унијата.
Континуираната побарувачка за пресметковни ресурси бара на истражувачите да им се обезбедат технологии со сè повеќе високи перформанси. Понатаму, лансирањето на нови водечки италијански и европски иницијативи, кои се соочуваат со сè понапредни пресметковни предизвици, се засноваат на достапноста на овие технологии.
На пример, супер компјутерот Леонардо ќе придонесе за ублажување и управување со ризици поради екстремни ситуации, природни настани, земјотреси, цунами, вулкански настани, поплави, за борба против пандемиски и епидемиски ситуации.
А.М.
