Учесници од средно училиште и баратели на азил одржаа два одвоени протеста на Самос, поради ситуацијата со бегалците и мигранти на грчкиот остров, а паралелно, со одлука на општина Источен Самос денеска и в понеделник нема да работат општинските служби, jави дописничката на МИА од Атина.
Бегалци и мигранти утрово одржаа мирен протест пред Центарот за прием и регистрација поради условите во кампот и побараа да го напуштат островот. Демонстрации, со истото барање одржаа и вчера и завчера.
Независно од првиот собир, ученици од средното техничко училиште на Самос претпладнево протестираа низ улиците на островот поради ситуацијата со бегалците и мигрантите на островот.
Доцна синоќа во општина Источен Самос, градоначалникот Георгиос Станѕос одржа состанок на кој беше решено во знак на протест денеска и в понеделник да бидат затворени општинските служби со исклучок на градинките и комуналната служба, а паралелно да се одржат и демонстрации поради ситуацијата со бегалците и мигрантите.
Според пописот од 2011 година, во градот Самос на истоимениот остров живеат 6.191 жител, додека пак во прифатниот центар што се наоѓа во непосредна близина, наменет за 648 лица, престојуваат 5.968 бегалци и мигранти. /МИА
