Критичарот на Кремљ, Алексеј Навални го коментираше наводното регрутирање руски затвореници за да се борат во Украина, споредувајќи го тоа со филмовите „Suicide Squad“ (Одреди за самоубиства).
Навални, кој моментно се наоѓа во затвор во Русија, на Твитер прашал што може да постигне армија од убијци, разбојници и бандити во борба, споредувајќи ја руската стратегија со заплетот на филмовите на DC Comics, пишува Скај Њуз.
Во филмовите на DC се прикажуваат затворени супернегативци кои се ангажирани од американската влада за тајни и смртоносни операции.
Навални се осврна на видео снимката на која се гледа како сојузникот на Владимир Путин, Евгениј Пригожин, им нуди помилување на руските затвореници од затворот Јошкар-Ола во западна Русија. На затворениците им било кажано дека ќе бидат убиени доколку дезертираат кога ќе пристигнат во Украина.
Пригожин на снимката им вели дека ќе бидат помилувани доколку се борат со групата Вагнер. Пригожин воедно е и шеф на Вагнер, приватна воена компанија чии платеници се бореле во Сирија, а наводно биле видени и во Африка. Тие се борат и во Украина, пишува Скај њуз.
2/16 I’ve read the transcript of the infamous video. There’s a lot to talk about, including the number of people who will now decide to commit a serious crime, knowing that even if they get caught, there will be a way to avoid serving time.
— Alexey Navalny (@navalny) September 20, 2022
Навални напиша на Твитер дека луѓето сега можат да одлучат да извршат сериозно злосторство бидејќи знаат дека постои начин да се избегне затворската казна.
Се наведува дека убијците и разбојниците се обврзни да учествуваат во војна. Поради некоја причина, многу луѓе имаат впечаток дека овие категории на осуденици се некакви брутални борци. Нешто како во филмот Suicide Squad. Што би можела да постигне таква војска?, праша Навални на Твитер.
