За време на викендот локализирани се десетина пожари на териториja од 3.700 хектари во сибирската република Јакутија, но пожарите и понатаму беснеат поради што на терен е испратена и руската војска.
Според последните податоци на владата во Русија пожарите зафатија површина од 1,2 милиони хектари, а вонредна состојба е прогласена во четири региони.
Стотина руски градови се наоѓаат под чад поради пожарите кои траат веќе со денови. Иако огнената стихија не зафати населени подрачја, сепак густиот чад навлезе во околу 800 населени места. Фауната на зафатените подрачја е речиси целосно уништена, а на социјалните мрежи се шират фотографии од пеплосани животинки.
Стотина руски градови се наоѓаат под чад поради пожарите кои траат веќе со денови. Иако огнената стихија не зафати населени подрачја, сепак густиот чад навлезе во околу 800 населени места.
Војската на Русија соопшти дека нејзините авиони испуштиле повеќе од 1.200 тони вода за еден ден за гаснењето на пожарите кои избија во Сибир и постигнале одреден напредок.
Руските вооружени сили соопштија дека денеска била испуштена вода од воените авиони и хеликоптерите на околу 1700 квадратни километри во регионите Иркутск и Краснојарск.
Рускиот претседател Владимир Путин минатата недела нареди воен персонал да се вклучи во борбата против шумските пожари во Сибир и Далечниот исток, кои се простираат на територија со големина на Белгија.
Службата за заштита на шумите во Русија соопшти дека противпожарните екипи немале обид да се борат со пожарите во тешко достапните области што опфаќаат околу 28.000 квадратни километри.
