„Во медицината два плус два не е секогаш четири и никој не може да се предвиди што ќе се случува на есен, затоа не е јасно врз основа на која проценка Мицкоски и ВМРО-ДПМНЕ предлагаат избори на крајот на август или почетокот на септември. Нашиот став за избори во првиот можен момент го темелиме на светските искуства, на препораките на Светската здравствена организација како и на нашата Комисија за заразни болести, која оцени дека во периодот после рестриктивните мерки и кога има намалување на интензитетот на коронавирусот најдобро и најбезбедно е да има избори“, порача пратеничката од СДСМ Јагода Шахпаска во емисија на ТВ 24.
„Во перодот после крајот на јуни многу граѓани ќе заминат во странство, многу луѓе ќе ја посетат земјава, ќе се отворат училиштата, оттука навистина не можеме да знаеме каква ќе биде состојбата на есен. Врз основа на која проценка Мицкоски предлага крајот на август или почетокот на септември, кога не можеме да знаеме што ќе се случува тогаш. Јасно е дека Мицкоски и ВМРО-ДПМНЕ бегаат од избори и се плашат од сопствениот народ“, изјави Шахпаска.
Таа нагласи дека ставот на СДСМ е јасен избори да има во првиот момент кога тоа ќе го дозволи здравствената состојба, доколку заврши вонредната состојба на 30 мај, првиот рок за избори е 21 јуни.
„Ние како држава одлично се справивме со здравствената криза, ги заштитивме возрасните лица, и тоа е јасен показател дека државата одлично се справи со кризата и ги заштити граѓаните“, рече Шахпаска.
Владата предводена од СДСМ презеде навремени и ефективни мерки за заштита од корнавирусот. Тие мерки овозможија ниту педесет проценти од капацитетите на инфективните одделенија во текот на здравствената криза да не бидат пополнети, навреме беа затворени границите, училиштата, градинките, посебни категории граѓани беа ослободени од работа, порача пратеничката на СДСМ Јагода Шахпаска, во емисија за ТВ 24.
„Јас како медицинско лице дијагностицирав пациент со Ковид 19, дадов упат за болница, ги почитував препораките на Министерството за здравство, како институција ја имаме потребната заштитна опрема и немаше опасност да се заразам. Тоа говори колку е сериозен пристапот за обезбедување протоколи и опрема, но секако секој од нас носи и лична одговорност“, рече Шахпаска.
Одговорност треба да преземе министерот за внатрешни работи Наќе Чулев затоа што не презема конкретни мерки за почитување на препораките да нема групирање, како што беше литијата во Струга.
„Здравствените институции се на ниво на задачата, но за жал морам да констатирам дека сериозен проблем за државата е што немаме функционално Собрание, нема контрола над Владата. ВМРО-ДПМНЕ прави се за да ги одложи изборите и сака целосно да го блокира системот“, додаде Шахпаска.
