ЦИВИЛ учествуваше на фестивалот на Цивика мобилитас „Ден на граѓанските организации“ што се одржа по четврти пат, во Градскиот парк кај „Школка“, во Скопје.
Околу 90 граѓански организацииги поставија своите штандови, ги наполнија со информации за нивните активности и постигнувања и се дружеа со граѓаните. Неколку дебати беа одржани за време на Фестивалот на Цивика мобилитас.
ЦИВИЛ со интерактивна работилница го сврте вниманието на дезинформациите и говорот на омразата во јавната комуникација.
Исто така ЦИВИЛ склучи меморандум за соработка и партнерства со неколку граѓанските организации во повеќе иницијативи на организацијата.
Нејзината екселенција Сибил Сутер Тејада, Амбасадорка на Швајцарија во Северна Македонија, во своето последно обраќање, им се заблагодари на граѓанските организации за одличната соработка и за нивната посветеност што ја имаа создавајќи многу незаборавни спомени за неа.
„Горда сум што бев дел од ова живописно граѓанско општество во последните повеќе од пет години“, рече Амбасадорката Сутер. Таа изрази надеж дека Фестивалот ќе стане традиционален и дека секоја година ќе носи се повеќе и повеќе учесници и организации.
Полио плус – движење против хендикеп и Комисијата за спречување и заштита од дискриминација го искористија Фестивалот за потпишување на меморандумот за разбирање. Дел од Фестивалот беше и потпишувањето на Кодексот за граѓански организации. Ова е иницијатива на повеќе од 50 организации и претставува чекор напред во унапредувањето на саморегулацијата во граѓанското општество и до сега го потпишале повеќе од 40 организации.
Пред самиот крај посетителите уживаа во звуците на Дактили од Култ-Транзен и Тамбурашкиот оркестар на Регионалниот центар за одржлив развој од Кратово.
Фестивалот на Цивика мобилитас е најголемиот настан од ваков вид. Темата на овогодинешниот Фестивал беше „30 години граѓански активизам“.
