Турскиот претседател Реџеп Таип Ердоган ја повлече својата земја од меѓународниот договор за заштита на жените преку претседателскиот указ издаден во раните утрински часови во саботата.
Овој потег предизвика шок во една земја која изобилува од високо-профилни случаи на семејно насилство и фемициди. Турција беше првата земја што ја потпиша Конвенцијата на Советот на Европа за спречување и борба против насилството врз жените и семејното насилство во 2011 година.
Истанбулската конвенција, именувана по најголемиот турски град, се обидува да спречи насилство врз жени, вклучително и семејно насилство и да донесе крај до законска неказнивост за сторителите.
Нејасно е зошто Ердоган донесе одлука да се повлече од конвенцијата. Турските бранители на женските права протестираа против повлекувањето, додека некои конзервативци тврдат дека тоа им штети на традиционалните семејни вредности, пренесува Си-Ен-Ен.
Јавната дебата околу конвенцијата го достигна врвот во август кога религиозните и конзервативните групи започнаа интензивно лобирање против конвенцијата, жалејќи ја за деградирање на семејните вредности и застапувајќи се за LGBTQ заедницата.
Кабинетот на Ердоган излезе да ги увери луѓето дека повлекувањето од конвенцијата нема да значи заостанување на регулативите околу семејното насилство и правата на жените. „Гаранцијата за правата на жените е присутна во нашите сегашни закони и особено во нашиот устав. Нашиот судски систем е доволно динамичен и силен за да може да спроведува нови регулативи по потреба“, рече на Твитер министерката за семејство и социјални политики Зехра Зумрут Селчук.
Главната турска опозиција овој потег го нарече обид за потиснување на „жените во граѓани од втор ред“ и вети дека ќе ја врати земјата на конвенцијата, велејќи дека сегашната влада не успеа да ги обезбеди правата на жените и децата. „Вие не успевате да го заштитите правото на живот“, рече Гокче Гокчен, опозициски парламентарец на Твитер.
Коалиција на женски групи соопшти дека претседателскиот указ за повлекување од конвенцијата се чувствува како „кошмар“ и со повлекување од конвенцијата владата објави дека повеќе нема да ги штити жените од насилство.
„Очигледно е дека ова повлекување ќе им помогне на убијците, насилниците и силувачите на жените“, се вели во соопштението на коалицијата.
Во Турција нема бројки за фемициди издадени одделно, но невладина десна група на жени вели дека 78 жени се убиени во 2021 година
Насилството врз жените во Турција е „огромна криза со човековите права“ која „ескалира“, изјави турскиот романсиер и активист за правата на жените, Елиф Шафак, во петокот за Кристијан Аманпур на Си-Ен-Ен.
