Уставниот суд на БиХ ги укина одредбите од Декларацијата за уставните принципи на Народното собрание на Република Српска, како и заклучоците за трансферот на надлежностите од државно на ниво на ентитет, што парламентот на Република Српскаги усвои во декември минатата година, пренесува МИА:
Уставниот суд на БиХ ја донесе оваа одлука откако петнаесет членови на Претставничкиот дом на Парламентот на БиХ иницираа спор меѓу Босна и Херцеговина и Република Српска.
Судот ги поништи заклучоците на Националното собрание на Република Српска за трансферот на надлежностите од државно на ниво на ентитети во областа на одбраната, судството и индиректното оданочување.
Укинатите одредби престануваат да важат следниот ден од на објавувањето на одлуката во Службен весник на БиХ.
На 10 декември минатата година, Националното собрание на Република Српска усвои низа заклучоци кои предвидуваа усвојување на закон за основање на Армијата на РС, Високиот судски и обвинителски совет на РС, како и ентитетот Управа за индиректно оданочување.
