ЦРНИ СТАТИСТИКИ САД се сѐ уште на прво место по сите параметри во црната КОВИД-19 статистика. Во изминатите 24 часа, има 30.331 нови случаи на заразени со вирусот. Највисок број на смртни случаи (1.255) во светот за едно деноноќие се бележи, исто така, во САД, каде бројот на починати од корона вирусот сега е 74.654. Њујорк вчера објави дека планира да ги погребува починатите во градските паркови, привремено. Тешка е состојбата и во Шпанија со нови 5.029 случаи и нови 700 починати за 24 часа (вкупно до вчера – 13.341 починати). Италија падна на трето место со 3.599 нови случаи и 636 починати за едно деноноќие.
| Држава | Вкупно случаи | Нови случаи | Вкупно починати | Нови смртни случаи | Вкупно оздравени | Активни случаи |
| Свет | 1,346,004 | +73,142 | 74,654 | +5,229 | 277,093 | 994,257 |
| САД | 367,004 | +30,331 | 10,871 | +1,255 | 19,671 | 336,462 |
| Шпанија | 136,675 | +5,029 | 13,341 | +700 | 40,437 | 82,897 |
| Италија | 132,547 | +3,599 | 16,523 | +636 | 22,837 | 93,187 |
| Германија | 103,375 | +3,252 | 1,810 | +226 | 28,700 | 72,865 |
| Франција | 98,010 | +5,171 | 8,911 | +833 | 17,250 | 71,849 |
Британскиот премиер кој од вчера е преместен на интензивна нега во болницата „Свети Томас“ во Лондон. Бројни светски лидери вчера му упатија пораки за брзо закрепнување, меѓу кои германската канцеларка Ангела Меркел, шефицата на Европската комисија, Урсула фон дер Лејен и американскиот претседател Доналд Трамп.
Kanzlerin #Merkel wünscht dem britischen PM @BorisJohnson viel Kraft und gute Besserung und hofft, dass er das Krankenhaus bald wieder verlassen kann.
Chancellor #Merkel wishes @BorisJohnson much strength and a speedy recovery and hopes that he can leave hospital soon. pic.twitter.com/kjcNsVUwsM
— Steffen Seibert (@RegSprecherStS) April 6, 2020
My thoughts are with Prime Minister @BorisJohnson and his family this evening. I wish him a speedy and full recovery.
— Ursula von der Leyen (@vonderleyen) April 6, 2020
ОЛЕСНУВАЊЕ Австрија планира да укине некои од ограничувањата за да им овозможи на многу продавници повторно да се отворат од 14 април. Како овој план ќе влијае на статистиките останува да се види.
ПАСХА Израелскиот премиер Бенјамин Нетанјаху најави строги мерки на заклучување во првите денови од еднонеделниот празник Пасха. Еврејскиот празник започнува во среда навечер со празничен оброк наречен „Седер“ на кој обично се среќаваат луѓе што патуваат меѓу градовите за да се сретнат со семејството. Од среда навечер, до рано четврток наутро, од Израелците ќе се бара да останат во своите домови. Од вторник вечер до петок наутро, на Израелците не им е дозволено да ги напуштат своите населби.
БЕРЗИТЕ ЖИВНУВААТ Се бележи раст на акциите на глобално ниво, како одговор на позитивните знаци дека кризата со коронавирус во жариштата како Италија и Шпанија се намалува. Њујорк, епицентарот на епидемијата во САД, исто така, објави дека е можно израмнување на кривата на бројот на смртни случаи од вирусот.
