Еврокомесарот за проширување и соседска политика, Оливер Вархеји, денеска преку објава на Твитер ја поздрави одуката на поранешниот бугарски премиер и претседател на партијата ГЕРБ, Бојко Борисов, неговата партија да го поддржи „францускиот предлог“ за деблокада на евроинтегративниот процес на Северна Македонија.
– Му благодариме на лидерот на опозициската ГЕРБ Бојко Борисов за донесување на историската одлука за Европа и за Северна Македонија да прифати преговори базирани на францускиот предлог, што ќе овозможи да се пристапи кон отворање на пристапните преговори со Северна Македонија. Очекуваме (бугарската) Влада да го достави неопходниот предлог до Парламентот денеска, со што Европа ќе може да оди напред, напиша Вархеји на Твитер.
We thank leader of opposition Gerb @BoykoBorissov for making a historical decision for Europe & for ??to accept negotiation based on??proposal allowing to proceed w/ opening accession nego w/ ??. We expect gov’t making necessary proposals to Parl today so Europe can move forward.
— Oliver Varhelyi (@OliverVarhelyi) June 22, 2022
Поранешниот бугарски премиер и лидер на партијата ГЕРБ, Бојко Борисов изјави денес дека пратениците од неговата партија ќе го поддржи француски предлог за одблокирање на евроинтеграциите на Северна Македонија, рече лидерот на партијата Бојко Борисов. Тој ја повика Владата на Кирил Петков да го достави предлогот до Парламентот, каде Борисов рече дека ќе биде поддржан од мнозинството пратеници.
„Текстот е навистина многу добар. Тој ги вклучува сите стравови и нервози и она што ја засега Бугарија“, изјави Борисов на денешниот брифинг и додаде „Какво предавство има во тоа да се натераат двете нации да бидат во иста заедница? Наместо да се караат на социјалните мрежи, помладите генерации да се прегрнат?“, изјави Борисов.
