Во извештајот за индекс на активна транспарентност објавен од Центарот за цивилни комуникaции и УСАИД, се вели дека многу централни и локални институции предводени од кадри на ДУИ, имаат проблем со транспарентноста.
Најскандалозна ситуацијата е во Министерството за политички систем и односи меѓу заедниците, предводено од вице премиерот, Садула Дураку. Оваа министерство дојде како замена за Секретаријатот за спроведување на Рамковниот Договор, и продолжи да се води од кадар на ДУИ, партија која на овие парламентарни избори бара да мандатира премиер.
Во листата од 98 локални и централни институции, на последно место се наоѓа токму министерството предводено од вицепремиерот Дураку, а најтрагичен е и фактот што оваа институција е и едиствена која е оценета со 0.0% транспарентност.
Но, не се многу подобри и некои општини предводени од кадри на истата партија (ДУИ). Во групата на институции со слаба транспарентност, на 77 место се наоѓа Општина Струга со 39.4% транспарентност, а по неа на 81 место се наоѓа Општина Чаир со само 29.4%. Но, други градоначалници на ДУИ успеале да се спуштат и уште подоле од своите сопартијци. Општина Сарај која се води од поранешниот министер за правда, Блерим Беџети, е рангирана на 86 место со 25.4%, а едно место подоле се наоѓа и Општина Теарце со 23.2% активна транспарентност.
Во иста група со министерството на Садула Дураку со “многу слаба” активна транспарентност се наоѓаат и уште две општини, Пласница која ја води Исмаил Јаховски, носител на листата за пратеници на ДУИ во 5 Изборна единица и Општина Липково, која во предходниот мандат ја раководеше токму Садула Дураку.
Најдобро рангирана институција која се раководи од кадар на ДУИ, е министерството за економија, која се наоѓа на 29 место и спаѓа во групата со “добра” активна транспарентност. Инаку во првата група “многу добра” каде се рангирани 20 институции, нема ниту една раководена од кадри на партијата на Али Ахмети.
Арбен Зеќири