Следејќи ја моменталната епидемиолошка состојба со КОВИД-19, како и препораките на Комисијата за заразни болести, на денешната владина седница донесовме одлука за зголемена рестрикција на движењето на граѓаните за време на претстојниот празничен викенд, соопштуваат од Владата, по седницата на којашто се решаваше за воведување карантин за време на претстојните празници.
Се забранува движењето на сите граѓани на целата територија на државата почнувајќи од недела, 24 мај, во 11:00 часот до вторник, 26 мај, до 05:00 часот.
Во сабота, на 23 мај, забраната за движење останува иста како и за сите други денови, од 19:00 часот до 05:00 часот наутро.
Комисијата за заразни болести претходно препорача 58 часовен карантин, односно, забрана на движење од 19 часот во сабота, до 05 часот во вторник.
