По повод одбележувањето 150 години од раѓањето на Гоце Делчев, денеска на неговиот гроб во црквата Свети Спас ќе се поклонат и ќе положат цвеќе претседателот Стево Пендаровски, претставници на Собранието, на Владата, на државни институции, партии, здруженија и граѓани.
Настанот во живо е на овој линк.
Цвеќе на гробот на Гоце Делчев ќе положи и делегација од Бугарија, предводена шефицата на бугарската дипломатија Теодора Генчовска.
Цвеќе ќе биде положено и на спомениците на Гоце Делчев во Градскиот парк и на Плоштад „Македонија“ во Скопје.
Надвор пред црквата св.Спас има насобрано граѓани кои носат знамиња на вергина и ВМРО-ДПМНЕ и со аплауз го поздравија лидерот на ВМРО-ДПМНЕ, Христијан Мицкоски откако положил цвеќе на гробот на Делчев.