ЦИВИЛ подготви вонредно издание во електронска и печатена форма, достапен на медиумската платформа на организацијата. Њузлетерот може да се преземе ТУКА.
ЦИВИЛ го започна својот мониторинг на настаните поврзани со изборниот процес, веднаш по средбата на партиските лидери, чиј домаќин беше претседателот Стево Пендаровски, на 20 октомври 2019 година.
Тогаш беше договорен 12 април 2020 како датум за одржување на предвремените парламентарни избори, иако Зоран Заев, од позиција на премиер, најави дека тие треба да се одржат во декември 2019 година. Опозициската ВМРО-ДПМНЕ инсистираше на избори што е можно подоцна, иако претходно често бараше избори.
Периодот од тој датум па наваму е политички турбулентен, а неизвесноста и проблемите беа засилени со избивањето на пандемијата на КОВИД-19, што го одложи и одржувањето на предвремените парламентарни избори на 12 април 2020.
Во период од околу шест и пол месеци, земјата е без парламент (се распушти на 17 февруари 2020) и без политичка влада. Според Пржинскиот договор од 2015 година, власта во земјата ја презема техничка влада (изгласана во Собранието на РСМ на 3 јануари 2020) во која учествуваат речиси сите парламентарни партии.
По одлуката на за одржување на предвремени парламентарни избори, ЦИВИЛ побара од постојаните соработнички и соработници кои спроведуваат континуиран мониторинг на состојбата на човековите права и слободи, како и политичките процеси и настани, да започнат со мониторинг на состојбата во изборен контекст. Тие започнаа со работа уште на 20 октомври 2019 година.
Во овој извештај се обелоденети само дел од големиот број наоди и извештаи на организацијата. Медиумската платформа на ЦИВИЛ секојдневно објавува информативни содржини поврзани со изборниот процес на македонски и албански јазик.
