Наводно избувнал пожар во фабриката за преработка на гас Лукоил во Котово, Русија, по пријавениот напад со дронови во текот на ноќта на 9 октомври, пренесува Кијив Индипендент.
Телеграм каналот „Астра“, повикувајќи се на локалните жители во рускиот Волгоградски регион, го објави пожарот во фабриката за преработка на гас Коробковски.
Нема официјална потврда за извештаите. Сепак, гувернерот на Волгоград, Андреј Бочаров, претходно изјави дека се решаваат „пожарите во постројките за гориво и енергија“ по нападите во регионот.
Локалните власти не објавија детали за обемот на штетата.
Нападот со дронови го потврди Андриј Коваленко, раководител на украинскиот Центар за борба против дезинформациите. Службеникот не го прецизираше потеклото на беспилотните летала.
„Овој објект е клучен за руската нафтена и гасна инфраструктура: обезбедува преработка и транспорт на гасен кондензат, како и производство на суровини за хемиската индустрија“, рече Коваленко.
Сателитски снимки од Системот за информации за пожари и управување со ресурси (FIRMS) на НАСА потврдија пожар во фабриката за преработка на гас.
Фабриката за преработка на гас „Коробковски“ е најголемиот преработувач на природен гас во Јужниот федерален округ на Русија. Објектот, кој започна со работа во септември 1966 година, игра клучна улога во енергетската инфраструктура на регионот.
Д. Мишев
