Австријците постари од 18 години од денеска мора да се вакцинираат против КОВИД-19 или ризикуваат висока парична казна, јавува новинската агенција МИА. Ова е мерка без преседан во Европска Унија.
Новата мерка, усвоена од парламентот на 20 јануари, беше потпишана вчера од претседателот Александар Ван дер Белен како кулминација на процесот што започна во ноември, а е последица од брзото ширење на варијантата Омикрон на КОВОД-19. Владата одлучи да продолжи да го следи својот нов, построг пристап, и покрај критиките во земјата.
И покрај заканата од ваква драстична мерка, стапката на вакцинација во Австрија остана пониска отколку во Франција и Шпанија.
Во соседна Германија, сличен закон, поддржан од новиот социјалдемократски канцелар Олаф Шолц, беше дискутиран минатиот месец во Бундестагот, но сѐ уште не е постигнат напредок поради разликите меѓу политичките сили.
