Зуди Енузи Кока е нов директор на АД МЕПСО

Зуди Енузи Кока е назначен за нов директор на АД МЕПСО, кој доаѓа на местото на разрешениот директор Сурија Рашиди. Неговото назначување ќе се официјализира по запишувањето во Централен регистар, пренесе Слободен Печат.

Зуди Енузи Кока е член на Алијанса за Албанците, партија коалициски партнер во Владата.

Кока претходно беше директор на ЈП „Комунална хигиена“, но беше разрешен од градоначалничката на Град Скопје, Данела Арсовска. Неговото име минатата година се споменуваше во контекст на протестите против францускиот предлог, кога неговиот брат Цуфи Кока пукаше кон демонстрантите кои поминуваа пред неговиот хотел кај плоштадот Скендербег, а потоа беше уапсен.

Кока е дипломиран правник, а до неодамна беше шеф на кабинет на разрешениот директор Рашиди.