Одложено рочиштето за „ТНТ“, претепан екс градоначалникот Трајковски
Судијата Огнен Ставрев за утре го одложи судењето за „ТНТ“, откако третообвинетиот ексградоначалник на Гази Баба Тони Трајковски не се појави во Судот бидејќи, како што рече неговиот адвокат, поради здобиените повреди од физичкиот напад треба да направи дополнителни испитувања на Клиниката за максилофацијална хирургија и на неврохирургија. Судот нареди Трајковски за утрешното рочиште стражарно да биде спроведен.
Расправа за измените на Изборниот законик ќе има, но надвор од собраниската зграда
Расправата за измени на изборниот модел односно за измени на Изборниот законик ќе се одржи надвор од Собранието, а датумот и местото дополнително ќе бидат соопштени, изјави денеска координаторот на пратеничката група на СДСМ, Јован Митревски.
Јавна расправа по дефиниција на Деловникот, како што кажа сега не може да се одржи.
Поранешен градоначалник на Демир Капија обвинет за злоупотреба на службената положба
Основното јавно обвинителство Велес поднесе обвинителен акт против поранешен градоначалник на Општина Демир Капија за кривично дело – злоупотреба на службената положба и овластување.
Како што соопшти Јавното обвинителство, обвинетиот од 21.02.2015 до 12.10.2017 година, како одговорно лице – градоначалник на Општината, ја искористил службената положба и прибавил имотна корист за друг во износ од 1.177.476 денари.
ФЛЕШ ВЕСТИ
Македонските граѓани користат од 120 до 150 милиони пластични кеси годишно во кои потоа фрлаат различен отпад. Користењето на вакви кеси кои се посочуваат како едни од загадувачите на животната средина треба да се ограничи од 1 јануари 2021 година кога тие ќе се наплатуваат минимум по 10 денари.
Собраниската Комисија за труд и социјална политика и покрај несогласувањата на пратениците од владејачкото мнозинство и опозицијата, попладнево го одржа продолжението на седницата на која, меѓу другото, на дневен ред беа измените и дополнувањата на Законот за пензиското и инвалидското осигурување по скратена постапка, односно најавеното покачување на пензиите за 700 денари.
Управниот одбор на Здружението на судии ги поддржува активностите на Државната комисија за спречување на корупција и Судскиот совет на РСМ, и смета дека проверката на работата на судиите и нивното однесување е континуирана работа во надлежност на овие две институции.
Кога решавав за Договорот од Преспа некои се прашуваа луд ли е овој, зошто го прави тоа, ќе ги загуби изборите, но донесов одлука со целосно сознание дека е итно да се надгради улогата на земјата, изјави поранешниот грчки премиер и лидер на СИРИЗА, Алексис Ципрас во интервју за грчката телевизија „Антена“ на коментар на новинарот дека Договорот од Преспа беше една од причините што неговата партија ги загуби последните парламентарни избори во Грција.
СКЕН – ПОЛИТИЧКИ МАГАЗИН: Рампа – (не)прифатеноста на лицата со попреченост во општеството
МИСЛА
Приказната на г-ѓа Лидија Лазова
„Погледајте го сведочењето на г-ѓа Лазова. Тоа не е само сторија, раскажана од многу личен агол, за изживувањата на режимот на г. Никола Груевски и за пропаста на една жена и нејзиното семејство. Тоа е приказна за сите меѓу нас кои беа и сè уште се вљубени во груевизмот. Кои се вљубени во владеење со „цврста рака“ – чија било! – за кои дисциплината е поважна од слободата, партијата од правдата, а поединечните човечки судбини им се неважни во споредба со потребата да се остане или да се дојде на власт“, пишува Сашо Орданоски.
Со малку усул барем
„Во ред, предизборие е. Политика, политички партии плус кампањи е еднакво на лаги. Веќе видено и докажано до степен на енциклопедиска дефиниција. Лагите станаа легитимни. Ги примаме онака левтерно како некое обично и досадно тмурно зимско секојдневие.
Дури и оние најневеројатните, што се чиста фантастика, и оние најкрупните кои од авион се препознаваат. Вџашувачки е да се слушаат, а камо ли да се верува во нив“, пишува Зоран Иванов.
М. Ивановска
во соработка со: Биљана Јордановска, Ангела Петровска, Сашо Орданоски и Зоран Иванов
