Стотици граѓани на мирен протест побараа одговорност од институциите по усмртувањето на младата Фросина
Стотици граѓани денеска се собраа на булеварот „Партизански Одреди“ каде што на пешачки премин беше прегазена 22-годишната Фросина Кулакова, од 20-годишниот Васил Јованов, кој возел под дејство на алкохол и без возачка дозвола со 130 километри на час и поминал на црвено.
„Смртта на Фросина е пропуст на системот“; „Вози на бензин не на промили!“; „Една чашка, една грешка, еден живот“; „Сите одиме кај ист судија, а таму има само една правда“; „Обвинители = соучесници убијци“; „Не е несреќа, туку убиство“; „Не е кобно местово, туку луѓето и системот“; „Без казна и вашите раце се крвави“; „Врските не враќаат човечки живот“; „Одговорност“, беа дел од пораките на собраните граѓанки и граѓани.
За 20 годишниот Васил Јованов денеска е одредена мерка притвор во траење од 30 дена, известија од Кривичен суд.
Против 20-годишниот возач што ја усмрти младата Фросина на „Партизанска“ претходно имало пријави за неовластено производство и пуштање во промет наркотични дроги, психотропни супстанции и прекурсори и за сообраќајна незгода во која едно лице се здобило со полесни повреди
ИЗЈАВА НА ДЕНОТ
Тошковски: Секој во системот мора да ја понесе својата одговорност
Гневот на јавноста е разбирлив, недовербата во институциите е оправдана, но ова не смее да заврши само со пишување на гневни статуси по социјалните мрежи и протести што ќе траат неколку дена. Промените мора да бидат реални. Секој во системот мора да ја понесе својата одговорност, изјави министерот за внатрешни работи Панче Тошковски, во врска со прегазувањето на Фросина Кулакова.
РЕГИОН
Студентите го продолжија протестниот марш кон Нови Сад, откако преспаа на фудбалски стадион во Инџија
Белградските студентите кои тргнаа на протестен марш кон Нови Сад, да им се придружат на колегите во блокадата на 3 моста, денес го продолжија својот пат откако откако преспаа под шатори на фудбалскиот стадион во Инџија, а како душеци користеле стиропор.
СВЕТ
Трамп злоупотребувајќи ја трагедијата неосновано ги обвини демократите за авионската несреќа во Вашингтон
Доналд Трамп ја искористи авионската несреќа во Вашингтон за да ги нападне своите политички непријатели, тврдејќи дека демократите се одговорни за намалените стандарди во контролата на воздушниот сообраќај и дека катастрофата „можела да биде“ предизвикана од политиките за различност, правичност и вклучување (ДЕИ) во Федералната администрација за авијација (ФАА).
ПРАШАЊЕ НА ДЕНОТ
Што треба да се направи за побезбеден сообраќај?
Трагедиите на улиците во Скопје и други градови се помрачен потсетник за тоа дека мора да се преземат итни мерки за подобрување на безбедноста. Постојано се бара одговорност од институциите и од учесниците во сообраќајот, но таа често изостанува.
АЛ-ПРЕС
Редакциски избор од албанските медиуми во регионот: По САД, и Швајцарија ги прекина програмите за помош за Албанија; Косовската влада одвои 500 илјади евра за Газа; ЕП повикува на нов поттик во дијалогот Косово-Србија
Подготви: Д. Тахири
