ВЕСТ НА ДЕНОТ
Најмалку 110 работни места претежно од инженерската струка, нови машини и технологија, најавија денеска премиерот Христијан Мицкоски и извршниот директор на компанијата „Eпсотех“, Аламави, кои ја промовираа претстојната инвестиција во земјава вредна 20 милиони евра.
Како што рекоа Мицкоски и Аламави, инвестицијата е германско-белгиска, ќе почне во август со градба на објект надвор од индустриско-технолошките зони на територијата на Општина Петровец, а се очекува и брзо да биде удвоена.
ИЗЈАВИ НА ДЕНОТ
„Ова е нашиот заеднички предизвик и мисија: да ги зачуваме и негуваме демократијата и демократските вредности преку напорна работа и посветеност на фактите во јавната комуникација, личен и професионален ангажман во бранењето на човековите права и слободи за сите и искрено и несебично да се поттикнува мир во светот. Секој од нас е важен дел од огромната сложувалка на светот, која е засенета од мрачната закана од војна и диктатури. Ова не е само празна фраза; тоа е реалност докажана одново и одново“, изјави Џабир Дерала, како добитник на наградата за солидарност за новинари од Југоисточна Европа.
РЕГИОН
Редакциски избор од албански медиуми: Кој е виновен за застојот во дијалогот Косово-Србија; Германија е за укинување на казнените мерки на Косово; се отвора тунелот Логара
СВЕТ
Промените во Велика Британија почнуваат сега, изјави лидерот на лабуристите, Кир Стармер, откако неговата партија победи на вчерашните избори со кои се стави крај на 14-годишното владеење на конзервативците.
СЛОБОДНА ЗОНА
„Во законите со кои се регулираат вработувањата во јавната администрација, ќе бидат содржани мерки со кои ќе се обезбеди правична застапеност на заедниците во сите централни и локални јавни тела и на сите нивоа на вработување во тие тела, истовремено почитувајќи ги правилата за компетентност и интегритет според кој се раководи јавната администрација“, пишува Сефер Тахири во „Балансирана администрација“
Подготви: Б. Јордановска
