Ви честитам на оваа значајна годишнина. Безмалку, Цивил е врсник со независноста на нашата држава. Како една од најдинамичните и највлијателни граѓански организации, Цивил, практично, учествуваше во сите важни процеси со кои градевме и градиме демократско општество, општество во кое мултикултурализмот и интеркултуралноста ги ставивме како врвни определби.
Денес, Цивил се препознава како организација која целосно и агилно е посветена на афирмацијата на човековите права и слободи и за нивно почитување во потполност. Посебен акцент Цивил има на малите заедници и групи со што практично ги става во видното поле на општеството, никогаш да не бидат запостaвени.
Јавноста ги памети кампањите против насилството и култот кон оружјето и против дискриминацијата и шовинизмот.
Цивил учествуваше и сè уште учествува во мониторингот на изборните процеси со широк фронт на волонтери низ целата земја и активно партиципира во креирањето на подобри изборни политики.
Гласот на Цивил беше значаен и во градењето на капацитетот на институциите за да бидат целосно посветени на интересите на граѓаните.
Значаен е и придонесот на Цивил во медиумскиот амбиент во земјата, а во последните години и во борбата со дезинформациите и заштитата на животната средина.
Активностите и проектите на Цивил ја прават оваа организација доверлив партнер во градењето на нашата држава како демократска заедница во која секој поединец и секоја заедница ќе го има своето достојно место за да се слушне гласот на сите слободоумни граѓани.
Текстот е личен став на Авторот.
