ВЕСТИ НА ДЕНОТ: Ципрас во Скопје
Поранешниот грчки премиер и лидер на СИРИЗА, Алексис Ципрас денеска е во Скопје, а во попладневните часови ќе има средба со премиерот Зоран Заев. Ципрас утре ќе учествува на Самитот на „Економист“,„Зајакнување на моментумот за европска интеграција“, посветен на Западен Балкан, а на посебна панел дискусија, заедно со Зоран Заев и Мартин Шулц ќе дебатираат за тоа „Кои се следните чекори за европска интеграција на Западен Балкан?“.
Партиите да ги надминат разликите за избор на функционери на важни институции
Претседателот на Собранието, Талат Џафери, обвини дека државниот ревизор, АВМУ, МРТВ и ред други важни унституции се жртви на политички инаети и несогласувања меѓу политичките партии.
“Моја надлежност е да свикам пленарна седница за тие точки ако завршува работата во комисија, или да свикам седница на комисија ако претседателот на комисијата не го направи тоа. Ние имаме свикување на комисија но немаме епилог заради негогласувања и партиски инаети”, изјави меѓу другото Џафери. Тој потсети дека државен ревизор немаме веќе една година а тоа е многу важна институција, затоа ги повика партиите да ги остават инаетите и да ја надминат ситуацијата.
Бугарија да изгради национален став за Северна Македонија
Пристапувањето на Република Северна Македонија во НАТО и Европската унија е важен чекор со кој се гарантира мирот, стабилноста и одржливиот развој и просперитет на Југоисточна Европа. Бугарија отсекогаш принципиелно ја поддржуваше европската и евроатлантската перспективи на Република Северна Македонија. Да не заборавиме дека ние сме првите што ја признавме независноста на таа земја, изјави денеска бугарскиот претседател Румен Радев.
ФЛЕШ ВЕСТИ
Министерката за труд и социјална политика Мила Царовска денеска присуствуваше на отворањето на регионалниот состанок за следење на напредокот на Пекингшката декларација и Платформа за акција за родова еднаквост (Пекинг +25), што се одржува во Скопје.
Начелното мислење на Врховниот суд за СЈО е во сила и беше водилка на настаните, изјаив денеска врховниот судија Џемаил Саити.
Претседателот Стево Пендаровски денеска се сретна со членки на Македонската банкарска асоцијација, на која банкарите ги покажаа постигнатите резултати, но и посочија на предизвици што претсојат пред нив.
Во Центарот за функционална проценка и поддршка на деца и млади започна да се применува нов модел на проценка на децата со попреченост-МКФ
Од утре се укинуваат квотите за лекови, најавија денеска министерот за здравство Венко Филипче и премиерот Зоран Заев
ЦИВИЛни активности
Граѓанките и граѓаните одговараа на прашањето на ЦИВИЛ каква иднина нè очекува, црна или зелена, како се грижи локалната самоуправа и државата за заштита на животната средина. Битолчани, наспроти сите проблеми што ги имаат со аерозагдувањето, сепак, сметаат дека земјата ја очекува зелена иднина.
ЦИВИЛ ја подржува иницијативата „Купи креација, биди дел од еко-донација“ за обновување на шумата кај езерото „Младост“ на активистката Мрија Пупулиева од Велес, која својата креативност реши да ја намени за обезбедување садници за опожарените места кај езерото „Младост“ и селото Ораоец.
МИСЛА
За незаинтересираноста на македонските политички елити за расчистување со криминалот и корупцијата, денеска пишуваше Коста Стоименовски.
Борбата што ја спроведе власта во оваа фаза го досега ефектот на сечење една-две од главите на криминалното чудовиште во Македонија. И да не се залажуваме, ако не бидат „отфикарени“ сите, тие што ќе останат, ќе учествуваат во регенарацијата на отсечените, односно до нивно повторно изникнување, смета колумнистот Милан Банов.
„Веќе на стартот на оваа историска етапа по деблокирање на евроатланските интеграции, се покажува дека и натаму поради грамзливи, алчни карактерни причини, македонските политички елити се незрели на своите граѓани и на нивната држава да им обезбедат извесна европска иднина. На највлијателните партиски субјекти, и на едните и на другите и на третите, како да им одговара ваков неправен амбиент“, смета Зоран Иванов во неговата колумна „Преговорите конечно ќе го поттурнат нашиот децениски од во место“.
„На Референдумот за поддршка на Преспанскиот договор, се судрија две жестоко спротивставени страни. На едната страна беше камата и кубурот, а од другата страна насмевката. Од едната страна беа „куририте“ и „спутник“, а од другата беше слободната мисла. Но, победи македонската иднина“, пишува Џабир Дерала.
Биљана Јордановска
останати автори: Ангела Петровска, Арбен Зеќири, Џабир Дерала, Коста Стоименовски, Милан Банов, Зоран Иванов
