„Очајот и паниката ќе растат од ден на ден сè до одржувањето на Советот на ЕУ кога Република Северна Македонија ќе добие датум за почеток на пристапните преговори. Очигледно дека ВМРО-ДПМНЕ нема ниту храброст, ниту смелост да се соочи со директорката на Националната агенција за европски образовни програми и мобилност, Лидија Димова и покрај нејзината покана да организираат Надзорна расправа во Собранието пред очите на целата македонска јавност. Но, веројатно и премногу очекуваме од партија која умее да зборува само со јазикот на криминалот и на незнаењето, и во која бегалците од правдата и несудените амбасадори размислуваат само како да и наштетат на својата држава. Излегувањето на мегдан не е карактеристика за ВМРО-ДПМНЕ и затоа Александар Николоски се крие зад младиот, неискусен, но и неук Стефан Андоновски во добро познатиот манир на ДПМНЕ –кукавички!“, се наведува во писмената реакција на Лидија Димова, директорка на Нациналната агенција за европски образовни програми и мобилност, во која одговара на ВМРО-ДПМНЕ за обвинувањата за злоупотреба на европски фондови.
„Како јавна институција, ние мора да и одговориме на јавноста независно од тоа колку се
небулозни партиските обвинувања. Обвинувањето на ДПМНЕ дека Националната агенција свесно и намерно ги криела резултатите за успешните и неуспешните проекти е неточно, целосно манипулативно и полно со незнаење. Имено, Националната агенција се придржува до рокови кои се утврдени од Европската комисија и зададени во Регулативата за Еразмус+ уште од 2014 година. Отстапувањето од истите подлежи на строга контрола од страна на Брисел. Наводите дека Националната агенција доделувала грантови на организации блиски до раководството на СДСМ се целосно неточни. Се чини дека ДПМНЕ се уште мисли дека управува со Агенцијата па таквите практики се се уште изводливи. Потенцираме дека споменатите организации се корисници на програмата Еразмус+ уште од 2014 година кога директорка на институцијата не беше Лидија Димова“, се вели во реакцијата.
Понатаму во реакцијата се вели, дека во врска со наводниот скандалозно доделен тендер за Пи-ар, јавноста била информирана дека имало јавен повик за избор на правно лице за логистичка поддршка на програмите и мрежите на Националната агенција, а не за јавна набавка.
„Во процесот на избор беа почитувани сите принципи за економично, ефикасно и транспарентно работење и се направи избор согласно зададените критериуми. Националната агенција секоја година потпишува договор со Европската комисија за реализација на програмата Еразмус+ и согласно истиот договор подлежи на годишна меѓународна ревизија. Ревизијата за 2018 година токму овој јавен повик го идентификува како ДОБРА ПРАКТИКА“; се наведува во реакцијата.
Што се однесува до нападите, реагира Димова, дека Националната агенција доделила проект на судија близок до СДСМ, напоменуваме дека изборот на успешните проекти се прави според правила и процедури на Европската комисија. Тоа значи дека проектите првично ги оценуваат надворешни еваулатори, а потоа се одобруваат од Евалуциона комисија. Директорот има право документирано да ја смени конечната одлука, но тоа во Националната агенција никогаш не било случај.
„Околу обвинувањата за лицето Арбен Вила, наводите дека со директорката на Националната агенцијадоговарале провизии од 10% се олицетворение на сета беда, неукост и некадарност на политичкатапартија која претендира да владее, а не може да научи прости правила. Точно е дека г-от Вила ја посети еднаш Националната агенција и тој беше примен како и сите други кои барале прием. Патем, програмата дозволува вклученост на таканаречени „посредници“, но би било премногу да се очекува ДПМНЕ тоа да го знае“, реагира Димова.
На крајот на реакцијата, стои повик до пратениците на ДПМНЕ да соберат храброст и да закажат Надзорна расправа.
„Па да се позанимаваме со ваквите обвинувања лице в лице. Време е за храбри одлуки, па повелете“, завршува Димова.
И. З. Т./frontline.mk
