ЦИВИЛ – Центар за слобода одржа средба со граѓаните во Куманово, во рамките на проектот „Демократски навигатор“, поддржан од Сојузното Министерство за надворешни работи на Германија.
Главната тема на средбата беше: „Од локални гласови до заедничка иднина: Демократски навигатор во Куманово – Локални гласови, заеднички вредности“. Преку презентација и интерактивна дискусија, учесниците разговараа за предизвиците со кои се соочува демократијата, како што се хибридните закани, пропагандата и дезинформациите, како и за улогата на граѓаните во унапредување на изборните процеси и демократските институции.
Претставниците на ЦИВИЛ истакнаа дека демократијата се развива или се напаѓа најпрвин на локално ниво. А токму „Демократски навигатор“ е начин на кој организацијата придонесува кон развој на демократијата и кон јакнење на отпорноста на заедниците и општеството, а тоа секако прво започнува во локалните средини. Дезинформациите првин ги напаѓаат локалните заедници, секогаш почнуваат како локален наратив.
Клучни пораки што беа посочени на средба беа дека дезинформациите се закана за демократијата и безбедноста, а демократијата не завршува на изборниот ден туку е секојдевен дијалог. Локалната дмекратија е прва на линијата на одбрана од авотиртарни влијанија, а граѓаните ја имаат клучната одлука во заштита на демократијата. Довербата, пак, што се гради меѓу граѓаните и институциите се темел на безбедно и демократско општество.
ЦИВИЛ ги повика учесниците да продолжат со јавниот дијалог меѓу граѓанското општество, медиумите и институциите, и да ја поддржат проверката на факти, изборното набљудување и независното новинарство.
Оваа иницијатива е дел од меѓународната „Defending Democracy Global Initiative – DDGI“, ко-основана од ЦИВИЛ, во партнерство со Медиа Дијалог и Нов европски граѓански форум (NEPF) во Германија.
Преку оваа мрежа, ЦИВИЛ делува и во рамките на Вестминстерската алијанса за Украина (WA4U), во соработка со Асоцијацијата Жан Моне (Франција) и CSI (Италија) – за одбрана на демократските вредности од локално до европско ниво.
