Снежана Трпевска, истражувачка во РЕСИС, на Денот на граѓанските организации, во организација на Цивика Мобилитас, за ЦИВИЛ Медиа изјави дека обединувањето на различностите го разгледуваат низ призма на мониторинг на ситуациите кои доведуваат до разединување.
На прашањето колку и дали е возможно да се обединат различностите во нашето општество, кое е дел од иницијативата на ЦИВИЛ „Обединети во различност“, Трпевска изјави дека промените во нашето општество треба да одат во насока на обединување на луѓето како еднакви.
„Ние различностите ги сфаќаме како нешто што е вештачки создадено во општествените односи, луѓето да се разликуваат врз база на некакви нивни карактеристики. Се стремиме кон тоа луѓето да ги гледаме на еднаков начин без оглед на нивните карактеристики по било која основа, да имаат еднакви права и да ги развиваат во личниот живот во општествените односи, тоа е она што не интересира во нашите истражувања.
Ги истражуваме ситуациите во општеството кои доведуваат до тоа да се продлабочуваат разликите за да најдеме начин како конкретно за да направиме некоја промена за да луѓето бидат еднакви. Во таа смисла го набљудуваме тој проблем на обединување на различностите“, изјави Трпевска.
Камера: Дехран Муратов
Монтажа Б. Јордановска
Оваа содржина е дел од Иницијативата „Обединети во различноста“ посветена на промовирање на различностите како предност, богатство и квалитет на нашето општество. Иницијативата ја води ЦИВИЛ, со поддршка од Министерството за надворешни и европски прашања на Големото Војводство Луксембург.
Наодите, мислењата и другите онлајн содржини објавени од страна на ЦИВИЛ, односно Редакцијата ЦИВИЛ Медиа, не мора да значи дека ги одразуваат оние на донаторите или спонзорите на ЦИВИЛ и на медиумската платформа на организацијата.
