Доскорешниот бугарски премиер Кирил Петков ја префрли вината директно на Русија и моќната мафија во неговата земја, откако на неговата влада во средата и беше изгласана недоверба, пишува Политико.
Политико потсетува дека Петков, кој дојде на власт само пред шест месеци, беше изгласан со ветување за борба против неконтролираната корупција во земјата и ја натера Софија да заземе невообичаено цврста линија против Русија по инвазијата на Украина.
При гласањето за недоверба, околу 123 пратеници од 239 во парламентот гласаа против неговиот кабинет.
„Ова гласање е еден мал чекор по долгиот пат пред нас. Ветувам дека ќе ја продолжиме битката да ја вратиме земјата и еден ден ќе имаме Бугарија без марионетски мајстори, без мафија – нормална европска земја“, рече тој во поздравното обраќање пред народното собрание.
Според пишувањето на Политико, Петков споменал список на луѓе кои биле инструментални за рушење на неговата администрација, меѓу кои тој го именувал рускиот амбасадор во Софија и ја обвини Русија дека го применува своето влијание врз неговото смена преку пратениците од екстремно десничарската партија Преродба.
Гласањето за недоверба во средата беше поттикнато од поранешниот водител на телевизиски ток-шоу, кој во мешу време стана политичар, Слави Трифонов, кој нагло ја извлече својата партија „Има таков народ“ од кревката четирипартиска владина коалиција. Трифонов како причина за напуштањето на владината коалиција ги наведува несогласувања околу буџетот и го обвинува Петков дека зазема премногу мека линија за да и дозволи на Северна Македонија да ги започне пристапните преговори со ЕУ.
Во изминатите денови, голем дел од политичката дебата се фокусираше на тоа дали Трифонов се повлече од владата од причини поврзани со моќната бугарска олигархиска мафија, која треба да загуби во ветената акција на Петков против митото. Тоа толкување беше поттикнато од неколку пратеници од партијата на Трифонов, кои пребегнаа кај Петков токму затоа што рекоа дека нивната партија е на страната на мафијата. Трифонов возврати дека обвинувањата за мафијата се апсурдни.
Партијата на Петков, а потоа и опозицијата, сега ќе има можност да се обиде да добие поддршка за практично мнозинство. Ако ова не успее – како што изгледа веројатно – земјата ќе биде поставена за четврти општи избори од април 2021 година.
Подготви: Д.Мишев
