Во текот на денешниот ден се случи досега најголемата размена на заробеници во украинската војна. Москва и Киев разменија вкупно 218 заробеници.
Меѓу нив имало 108 Украинки, од кои 12 цивили, изјави Андриј Јермак, шеф на кабинетот на украинскиот претседател Володимир Зеленски.
Тоа беше прва целосна женска размена, напиша Јермак на апликацијата за размена на пораки Телеграм.
Тој додаде дека 37 жени биле заробени откако руските сили во мај ја зазеле гигантската фабрика за челик Азовстал во разурнатиот пристанишен град Мариупол.
Another large-scale POWs swap was carried out today. Extremely emotional and really special: we freed 108 women from captivity.
Mothers and daughters. Their relatives have been waiting for them to come back. 37 Azovstal evacuees, 11 officers, 85 privates and NCOs. pic.twitter.com/6wIjS2ouJe— Andriy Yermak (@AndriyYermak) October 17, 2022
Украинското Министерство за внатрешни работи соопшти дека некои од жените се наоѓале в затвор од 2019 година, откако биле приведени од промосковските власти.
Руското Министерство за одбрана соопшти дека се ослободени 110 Руси, вклучително и 72 цивилни морнари кои биле приведени од февруари.
