Украина е гарант за безбедност на храната за многу земји. За разлика од руската федерација, ние остануваме посветени на нашите обврски. Безбедноста на храната е една од важните точки на Формулата за мир на украинскиот претседател Володимир Зеленски, чија цел е враќање на праведен и траен мир во Украина во согласност со Повелбата на ОН, објави на Твитер украинската амбасадорка во земјава Лариса Дир.
🇺🇦е гарант за безбедност на храната за многу земји.Безбедноста на храната е една од важните точки на Формулата за мир на @ZelenskyyUa,чија цел е враќање на праведен и траен мир во🇺🇦.Ги повикуваме сите држави да се приклучат на спроведувањето на оваа точка од Формулата.#GrainDeal pic.twitter.com/TfqFq9vZdd
— Larysa Dir (@dir_larysa) July 24, 2023
Амбасадорката Дир упати повик до сите држави да се приклучат на спроведувањето на оваа точка од Формулата.
Руските сили продолжија да го тероризираат регионот на Одеса синоќа, започнувајќи речиси четиричасовен напад со беспилотни летала камикази Шахед-136 на пристаништето на инфраструктурата на Дунав. Три беспилотни летала се уништени од силите за противвоздушна одбрана. Како резултат на ударите, уништен е хангар за жито, оштетени се цистерни за складирање на други видови товар, а во еден од производствените простории избувнал пожар, кој навремено бил изгаснат
Д. Мишев
