Најмалку 60 Палестинци кои беа блокирани во Египет од 7 октомври се собраа на граничниот премин Рафах со надеж дека ќе се вратат дома за време на паузата во борбите, јавува Си-Ен-Ен.
Туркајќи ги количките натоварени со куфери, тие пристигнаа на преминот со надеж дека ќе се вратат дома по речиси седум недели борба. Зејнат Ал-Гинди, која отпатувала во Египет на лекување пред војната, очајна сакала да се врати кај своето семејство.
„Сакаме да ги прегрнеме нашите деца. Сакаме да бидеме маченици меѓу нашите деца. Во Египет ние сме како тело без душа. Нашата душа е со нашите деца, во нашата татковина, Газа“, рече таа.
Претседателот на египетската државна информативна служба во петокот наутро изјави дека на Палестинците ќе им биде дозволено да влезат од Египет во Газа за прв пат од почетокот на војната.
„За прв пат од почетокот на агресијата, египетската страна ќе дозволи влез на Палестинците заглавени во земјата во Појасот Газа по нивна волја“, рече тој.
Д.Т.
