Во Собранието почна средбата на лидерите на најголемите парламентарни партии во земјата – владејачките СДСМ и коалицијата, ДУИ и Алијанса на Албанците и опозициските ВМРО-ДПМНЕ и коалицијата, партиите од Европскиот сојуз за промени… на која треба да се разговара за претседателските и парламентарните избори 2024 година, но и за евроинтеграциите и техничката влада. На средбата присуствува и претседателот на Собранието Талат Џафери.
На средбата присуствуваат премиерот и лидер на СДСМ Димитар Ковачевски, лидертот на ДУИ Али Ахмети, на Алијансата на Албанците Арбен Таравари, лидерите од Европскиот сојуз за промена Изет Меџити, Билал Касами, Африм Гаши, на НСДП Горан Мисовски, на ДОМ Маја Морачанин, на ВМРО-ДПМНЕ Христијан Мицковски, на Демократскиот сојуз Павле Трајанов…
Првите луѓе на партиите се очекува да го договорат датумот за претседателските и парламентарните избори, а извесно е дека тие ќе се одржат во мај. Тие во јавните изјави веќе изразија согласност дека изборите би можеле да се одржат тогаш.
Евентуален втор круг од претседателските избори и парламентарните избори најверојатно ќе се одржат на 8 мај. Првиот круг од претседателските избори во тој случај би бил на 24 април.
На почетокот пред лидерската средба, Христија Мицкоски ја искористи приликата освен да изрази сочувство, да ги критикува МВР и ОЈО за начинот на водење на случајот со убиствата на Вања Ѓорѓевска и Панче Жежовски, како и да ја нарече оваа лидерска среддба само уште една „гимнастика“.
Ковачевски не даде изјава пред средбата, а Арбен Таравари од Алијанса за Албанците, изјави дека очекуваат консензус околу датумот, но за укинување на техничка влада е веќе доцна.
