Портпаролот на Кремљ, Дмитриј Песков, ги демантираше информациите пренесени од Вашингтон постза неодамнешниот телефонски разговор меѓу рускиот лидер Владимир Путин и новоизбраниот претседател на САД, Доналд Трамп, објави Укринформ, цитирајќи го Настојашче времеја (Тековно време).
„Ова е целосно невистина. Тоа е чиста фикција. Тоа се едноставно лажни информации“, рече Песков во понеделникот, 11 ноември.
Предходно, како што пренесе ЦивилМедиа, американскиот весник „Вашингтон пост“, повикувајќи се на свои извори, објави дека Трамп и Путин во четвртокот имале телефонски разговор, при што разговарале за војната во Украина.
Подоцна, дел од информациите изнесени околу наводниот телефонски разговор на Трамп со Путин ги демантираше и портпаролот на украинското Министерство за надворешни работи Хеорхи Тихи кој ги негираше информациите дека Кијив бил однапред информиран за телефонскиот разговор меѓу новоизбраниот претседател на САД, Доналд Трамп и рускиот лидер Владимир Путин.
Драган Мишев
