Словачкиот премиер Роберт Фицо, по разговорите со Путин за време на неговата ненадејна посета на Москва, за која доби остри критики од словачката опозиција, изјави дека рускиот претседател најавил дека Русија е подготвена да продолжи со испораките на гас за Западот.
„Рускиот претседател Владимир Путин ја потврди подготвеноста на Русија да продолжи со испораките на гас за Запад и Словачка, што е практично невозможно по 1 јануари 2025 година, со оглед на позицијата на украинскиот претседател“, напиша Фицо на својата Фејсбук страница.
Фицо нагласи дека неговата посета на Русија е реакција на изјавите на украинскиот претседател Володимир Зеленски, кој се закани дека ќе го спречи транзитот на руски гас низ Украина.
„Ваквиот став (на Зеленски) предизвикува финансиска штета на Словачка и го загрозува производството на електрична енергија во нуклеарните централи во Словачка. Ова е недозволиво “, нагласи Фицо.
Посетата на Фицо, еден од ретките европски лидери кои остана во пријателски односи со рускиот претседател, на Москва наиде на остри критики во Словачка. Опозициските политичари го обвинуваат за предавство на Словачка, пренесува DW.
„Премиерот би требало да разговара за транзитот на гас за Словачка во Киев“, рече Михал Симецка, претседател на најголемата опозициска партија, за новинската агенција ТАСР.
Посетата на Фицо беше „лажлив театар за неговите гласачи“, рече лидерот на либералната Прогресивна Словачка.
Фицо ги води Словаците „чекор по чекор од Европа“ рече Бранислав Гролинг, шеф на либералната опозициска партија Слобода и солидарност, и уште поостро ја формулираше својата критика.
„Роберт Фицо е срам за Словачка, тој не зборува во име на целиот словачки народ“, нагласи Гролинг. неговата земја, која граничи со Украина.
Непосредно пред ненадејната средба со Путин, Фицо го обвини украинскиот претседател Володимир Зеленски дека се обидел да го поткупи со 500 милиони евра од замрзнатите руски средства за Братислава да ја поддржи кандидатурата на Кијив за влез во НАТО., истовремено обидувајќи се на самитот на ЕУ во Брисел, да го спречи прекинот на транзит на руски гас за Словачка кој го најави Украина. Зеленски рече дека додека Словачка има само економски проблеми, луѓето во неговата земја умираат секој ден.
М. Д.
