Украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, со објава на својата сметка на Х се осврна на првата годишнина од создавањето на Меѓународната коалиција за враќање на украинските деца.
Канадското претседателство даде изјава по повод 1-та година од создавањето на Меѓународната коалиција за враќање на украинските деца. Од почетокот на руската воjна врз Украина, илјадници украински деца беа насилно дислоцирани или депортирани во рф. Благодарна на Северна Македонија за приклучувањето кон Коалицијата, напиша амбасадорката Дир на Х.
🇨🇦претсед-во даде изјава- https://t.co/RpzEuCgHAN по повод 1-та го-на од создавањето на Меѓународната коалиција за враќање на🇺🇦деца.
Од почетокот на руската воjна врз🇺🇦,илјадници🇺🇦деца беа насилно дислоцирани или депортирани во рф.
Благодарна на🇲🇰за приклучувањето кон Коалицијата pic.twitter.com/saDsphsvEP— Larysa Dir (@dir_larysa) February 5, 2025
Како што соопшти Украинското министерство за надворешни рабои, на денешен ден пред една година, Украина и Канада ја започнаа Меѓународната коалиција за враќање на украинските деца и го одржаа својот прв пленарен состанок во Кијив.
Оттогаш, 41 држава, како и Советот на Европа се приклучија на Коалицијата во колективна посветеност да ги вратат децата од Украина дома. Поканата за приклучување останува отворена за секоја земја што сака да помогне во оваа важна мисија, се вели во соопштнието.
Драган Мишев
