Парламентот на Индонезија разгледува предлог измени на кривичниот Закон за забрана на вонбрачни сексуални односи.
Парламентарна комисија работи на измени на Законот што важи уште од колонијалното доба, а чијшто нов предлог содржи забрана за сексуални односи помеѓу партнери кои не се во брак, како и истополови односи, што досега не било нормативно регулирано. Прељубата и претходно беше забранета, но сега забраната се проширува.
– Вистина е дека мнозинските верски групи во Индонезија имаат исти вредности, а ревизијата е глас на мнозинството и сите култури во земјата, изјави Евис Сунарти, член на Христијанската алијанса којашто, меѓу другите, ги поддржува измените во Законот.
Јавната расправа е во тек, и се чини дека мнозинството партии ги поддржуваат новите прописи, посебно оние со кои се забрануваат хомосексуални односи.
Извор: МИА
[divide]
