Вчеравечер ЦИВИЛ Медиа, од неофицијални извори, информираше дека ревизорката Билјана Ивановска е можна претседателка на Државната комисија за спречување на корупција.
Собраниската Комисија за избори и именување денеска Ивановска ја предложи за претседателка и едногласно ги изгласа новите шест членови на ДКСК кои највисоко котираа на ранг листата. Владимир Георгиев и Софка Пејовска Дoјчиновска од Секретаријатот на ДКСК, Катица Николовска, Нури Бајрами, Горан Трпеноски и Салаи Шемши, на денешната седница закажана во 12:30 ќе бидат гласани од пратениците.
Претседателот на Комисијата за избори и именување, Илија Димовски, изјави дека Ивановска се предлага за претседателка затоа што е прва од рангираните кандидати што конкурирале за оваа позиција.
Б. Ј.
