Сенатот на САД во вторникот едногласно усвои резолуција со која се осудува рускиот претседател Владимир Путин како воен злосторник, пренесува Ројтерс.
„Резолуцијата, претставена од републиканскиот сенатор Линдзи Греам и поддржана од сенаторите на двете страни, го охрабрува Меѓународниот кривичен суд (МКС) во Хаг и другите земји да ја таргетираат руската војска во секоја истрага за воени злосторства извршени за време на руската инвазија на Украина. “, се вели во резолуцијата..
Според лидерот на демократското мнозинство во Сенатот, Чак Шумер, демократите и републиканците се здружија за да кажат дека „Владимир Путин не може да избега од одговорноста за злосторствата извршени врз украинскиот народ“.
Минатата недела, двата дома на американскиот Конгрес го одобрија законот со кое се обезбедува помош од 13,6 милијарди долари за Украина и нејзините европски сојузници. Американскиот претседател Џо Бајден го потпиша законот на 15 март.
Д.М.
