Бугарски европратеник од владејачката ГЕРБ ќе се обиде да поднесе амандман со кој ќе се дефинира македонскиот идентитет и јазик како сегашен, а не како што е тоа наведено во извештајот на известителот за Македонија Томас Вајц како многувековен.
Според премиерот Мицкоски, тоа е обид со кој официјална Софија може да се обиде уште повеќе да ја разгори реториката, но и да ги залади и така оладените односи со Скопје и им порача на властите во Софија дека нема да успеат во провокациите.
Мицкоски жали што пратениците од нашиот источен сосед настапуваат со ваква реторика, која го враќа времето на живковизмот.
„Но, она што повеќе мене ме загрижува е обидот на еден европратеник кој што доаѓа од владејачката ГЕРБ да вметне амандман во кој што македонскиот идентитет ќе го дефинира како „present“ на англиски или сегашен, со што јасно ја вади на површина политика на живковизмот која што за жал е се уште жива кај политичарите во Софија“, рече Мицкоски.
Пред два дена во бугарскиот парламент со 194 гласа за беше изгласана резолуција за евроинтеграциите на Македонија со која властите во Софија потенцираа дека властите во Македонија мора да ги исполнат преземените обврски и дека тие нема да отстапат од црвените линии кои повеќе не се билатерален спор, туку како што потенцираатм, европски консензус.
М. Д,
