„Во однос на финансирањето на изборната кампања, во изборниот законик е определен максимумот од кој што еден кандидат, партија или кандидаска листа во наредните избори може да потроши 110 денари по запишан избирач, одосно за таа намена се предвидени над 3.300 000 евра, одговори Оливер Деркоски, претседателот на Државната изборна комисија“, на прашањето на ЦИВИЛ Медиа, како е регулирано финасирањто на изборната кампања и со кои предизвици се соочуваат.
Деркоски додаде дека прашањето за медиумската кампања е позначајно, бидејќи со измените од изборниот законик од претходните избори е регулирана да се исплаќаат средства од буџетот преку ДИК, и најголемиот дел од средстватата коишто ги трошат кандидатите и партиите преку своите кандидаски листи се однесуваат на медиумската кампања.
„Ќе биде регулирана исто како и на минатите избори, согласно вклучените договори на сите медиуми со кандидатите, со политичките партии, изработка на медиа планови и следење од страна на АВМУ во нејзиниот дел, а другиот дел ќе следи го ДИК. Исплатата ќе се врши преку Државната изборна комисија“, додаде Деркоски.
Tој нагласи дека Собранието изгласа доволно средства за таа намена и дека нема да има никакви проблеми.
Минатите избори ни беше првпат и добро се снајдовме во тој дел со медиумското финансирање, бидејќи викнавме повеќе лица да контролираат и пред исплаќање се беше во ред.
Деркоски вели дека иако на минатите избори првпат финансираа медиуми, сепак одлично се снајдоа и немаше никакви проблеми.
„Како и на минатите избори така и денес велам дека ова не треба да биде надлежност на ДИК, но не е променет изборниот законик и ние ќе мора да постапуваме. За наредните избори ќе ангажираме повеќе лица и ќе го засилиме мониторингот за да бидеме сигурни дека го правиме тоа на исправен начин“, потенцираше Деркоски.
Тој додаде дека и оваа година ДИК ќе ангажираат дополнителни административни работници за спроведување на предвремените парламентарни избори што ќе се одржат на 12 април.
новинарка: Биљана Јордановска
камера, фотографија, обработка на текст: Дехран Муратов