Промоцијата на Декларацијата ќе се одржува денеска во Агенцијата за аудио и аудио-визуелни медиуми (сала на 2 спрат) со почеток во 11 часот.
Со оваа Декларација потписниците се обврзаа во рамки на сопствените одговорности и надлежности да останат посветени на принципите за нестереотипизирачко известување за ЛГБТИ, воздржување од и осуда на говорот на омраза врз основа на сексуална ориентација, родов идентитет или која било припадност на историски и општествено маргинализирана група, известување за жртвите на насилство и дискриминација обоено со емпатија и солидарност, непарцијално известување за активностите на ЛГБТИ заедницата и активистите за човекови права во рамки на целокупната општествена, политичка и културна сфера, почитувајќи ги нивниот личен интегритет, мислење и активности, како и за соработка со граѓанските здруженија кои се застапуваат за правата на ЛГБТИ, преку размена на информации кои ќе овозможат интегрален и непарцијален приказ на проблемите кои ги засегаат ЛГБТИ.
Исто така, потписниците ги повикуваат сите засегнати страни да се вклучат и да придонесат во градењето на општество во кое сите имаат еднаков пристап до правда.
ЦМ