По повод 1 Јуни – Меѓународниот ден за заштита на правата на детето, вo сабота ќе се одржи традиционалниот Меѓународен добротворен базар, во организација на „Добредојде“ Macedonia Welcome Center – DMWC и во соработка со 27 амбасади и меѓународни организаци во нашата држава.
Базарот ќе се одржи вo сабота во Градскиот трговски центар (ГТЦ) во Скопје, со почеток во 11 часот.
Дипломатскиот добротворен концерт „Слушни ме со срце“ како составен дел од овој настан ќе се оддржи вo сабота во зградата на Филхармонијата, со почеток во 20 часот.
Во соработка со Министерството за труд и социјална политика, средствата собрани од овој базар и концерт ќе бидат наменети за деца со церебрална парализа во Центарот за церебрална парализа – Скопје.
