Утрово силна експлозија го потресе таканаречениот „Штаб на Црноморската флота“ на Русија во привремено окупираниот Крим, објави претседателот на Меџлисот на кримските Татари Рефат Чубаров на Фејсбук, јавува дописникот на Укринформ.
„Во 08:20 часот, во близина на седиштето на „Руската Црноморска флота“ во окупираниот град Акјар/Севастопол, се слушна силна експлозија“, напиша Чубаров.
Според неговите зборови, во 08:56 часот било пријавено дека беспилотно летало (UAV) удрило во зградата на штабот на „Руската Црноморска флота“.
Според Чубаров, галејтерот од Севастопол, Михаил Розвозаев потврдил дека „UAV удрил во покривот“. Розвозаев се пожали дека леталото не е соборено, иако било употребено мало оружје над заливот. Нема информации за жртви.
Вечерта на 19 август, жителите на Севастопол пријавиле дека се слушнале експлозии во градот. Според руските и кримските медиуми, руските системи за противвоздушна одбрана дејствувале над градот.
На 18 август 2022 година, експлозии го потресоа градот Керч во привремено окупираниот Крим. Според локалните окупациски власти, звуците на експлозијата биле предизвикани од работата на системи за противвоздушна одбрана. Жителите на Керч изјавија дека виделе проектили испукани „од морето“ и блесоци на небото.
Подготви: Д.Мишев
