Евроамбасадорот Самуел Жбогар денеска го потпиша финансискиот пакет вреден четири милиони евра за итни медицински потреби на Северна Македонија, како одговор на кризата со Ковид-19.
Помошта од ЕУ овозможува набавка на маски, вентилатори, комплети за тестирање, медицинска опрема и значителни количини на опрема за лична заштита. Таа ќе биде спроведена од УНОПС – Канцеларијата на ОН за проектни услуги.
Тековната помош е дел од солидарниот пакет помош на ЕУ за нашата земја во висина од 66 милиони евра, наменет за справување со состојбата со корона вирусот. Во рамки на пакетот, освен овие четири милиони евра за итни медицински потреби, ЕУ обезбедува и 50 милиони евра за социо-економско закрепнување, девет милиони евра за помош на приватниот сектор и три милиони евра директна буџетска поддршка.
Signing the contract for 4 mil EUR of EU assistance for urgent medical needs. This will enable buying masks, respiratory machines, tests and other medical equipment that will help citizens in these difficult times. @UNOPS will ensure prompt delivery. #EUwithYou #FutureTogether pic.twitter.com/nPupG9RcoS
— EU Delegation to North Macedonia (@AmbassadorEU) April 3, 2020
