Водачот на Северна Кореја, Ким Јонг Ун, будно внимава на медиумите во својата земја, контролирајќи голем дел од она што граѓаните го знаат за надворешниот свет и обратно, контролирајќи го она што во светот се знае за Северна Кореја, пишува Бизнис Инсајдер.
Иако Ким се бореше земјата да ја претстави како бастион на воена моќ, нуклеарна моќ и антизападен сентимент, секојдневната реалност во земјата е прилично мрачна.
Голем дел од земјата живее во сиромаштија, десетици илјади луѓе се држат како политички затвореници, а владата цврсто ги контролира повеќето аспекти на животот. Еве како изгледа Северна Кореја низ објективот на неколку светски фоторепортери од повеќе светски агенции.
Секојдневниот живот во Северна Кореја може да биде навистина мрачен. Воведените санкции за казнување на земјата поради нејзините тестирања на нуклеарно оружје буквално ја осакатија економијата. / извор: Business Insider
Со појавата на корона вирусот, животот во земјата стана уште помрачен. Неодамнешните фотографии направени во земјата покажуваат дека жителите носат маски, шетаат низ значително попразните улици од вообичаено. / извор: Foreign Policy
Земјата првично излезе со информација дека нема случаи на корона вирус – сценарио кое е навистина неверојатно. Но, Северна Кореја сепак презеде превентивни мерки, како спроведување карантини, затворање на туризмот и границата со Кина. / извор: Brookings Institution
Ермитското Кралство, едно од најзатворените места во светот, во последните години доживеа повеќе сериозни недостатоци на храна. / извор: Business Insider
Детството во Северна Кореја може да биде тешко. Многу деца во руралните области се приморани да работат на фарми, а присилната работа има голем удел во економскиот резултат на земјата. / извори: Business Insider, Human Rights Watch
Неисхранетоста влијае на шокантно голем број на деца од Северна Кореја. Околу 28% од децата под 5 години имаат застој во растот. / извор: New York Times
Сиромаштијата и гладот се најприсутни во селата на Северна Кореја. Се смета дека околу 41% од населението, или 10,5 милиони се неисхранети. / извори: Business Insider, New York Times
Ксиаолу Чу, фотограф на Гети, кој патувал со воз низ Северна Кореја во 2015 година, изјавил дека забележал голем број луѓе од руралните села кои молат за пари.
„Речиси и да нема дебели луѓе во Северна Кореја“, изјавил Чу за „Бизнис инсајдер“. „Сите изгледаат многу тенки“.
Но, дури и Севернокорејците во градовите се соочуваат со лоши услови за живот. Многумина живеат во густо населени висококатници и честопати доживуваат недостаток на електрична енергија и дефекти со лифтовите. / извор: Business Insider
И нема многу пристап до Интернет – луѓето работат со затворен компјутерски мрежен систем достапен само на неколку места, како оваа библиотека во Пјонгјанг. / извор: BBC
Но, постојат некои знаци дека дури и покрај големите економски санкции кон Северна Кореја, нејзината економија почнува да се стабилизира. Голем број на севернокорејски дезертери и неодамнешни посетители за Волстрит журнал изјавиле дека фабриките во земјата го зголемуваат своето производство и условите за живот во одредени области се подобри отколку што биле. / извор: The Wall Street Journal
Во обид да докаже дека Ким го подобрува животниот стандард на граѓаните во Северна Кореја, Владата дури го обновила системот за јавен превоз во 2019 година со вклучување на нови електрични трамваи низ Пјонгјанг. / извор: Associated Press
Голем дел од населението во Северна Кореја мора да се потпира на јавниот превоз, бидејќи се премногу сиромашни за да си дозволат свои автомобили или да плаќаат такси. Но, дури и новото метро и трамваите изгледаат старомодно и истрошено. / извор: Associated Press
Економијата на земјата во голема мера е поттикната од рударската индустрија. Особено трговијата со јаглен, за која се верува, дека, барем делумно, се потпира на нелегални пратки во Кина, според доверливиот извештај на Обединетите нации. / извор: Bloomberg
Во 2019 година, Соединетите Американски Држави го пресретнаа еден од најголемите превозници на големо во Северна Кореја, за кој обвинителите тврдат дека врши „нелегална испорака на јаглен“, со прекршување на меѓународните санкции. / извор: Department of Justice
Фотографиите од старите руднички градови во Северна Кореја покажуваат колку економијата на земјата се распадна во последните децении. Рударските градови за јаглен Килју и Кимчек биле изградени околку некогаш енергичниот комплекс за железо, но известувачот на Асошијетед Прес, која ја посетил земјата во 2014 година, изјавил дека областа станала „’рѓосан појас, груб и немилосрдно сив“. / извор: Associated Press
Војник од Северна Кореја удира коза на бреговите на реката Јалу во јули 2009 година. REUTERS -Бидејќи еден севернокорејски дезертер во 2017 година се обидел да избега, други војници во него пукале пет пати. Хирурзите во Јужна Кореја кои го лекувале откриле дека војникот бил преполн со паразити. / извор: Business Insider
Дезертерите во Северна Кореја не се невообичаени, иако бројот на луѓе што го сториле тоа се намали за 21% во 2017 година. /извор: Quartz
Јужна Кореја има удел во падот на бројот на дезертерите, делумно поради построгата гранична безбедност. Војниците од Северна Кореја се немилосрдни кога гледаат како луѓето бегаат. Ова се дупки од куршуми испукани кога дезертерите се обиделе да избегаат во 2017 година.
Друг вознемирувачки аспект на животот во Северна Кореја се озогласените затворски кампови во земјата, каде граѓаните за кои е утврдено дека извршиле прекршоци кои во други земји воопшто и не се сметаат за кривични дела, се соочуваат со застрашувачки услови. / извор: Washington Post
Затворениците во овие таканаречени кампови за превоспитување честопати гладуваат и се принудени да вршат тешка физичка работа. Некои преживеани поранешни затвореници пријавиле остри испрашувања и физичка тортура. За овие кампови кои се видливи на Google Earth не постојат фотографии. / извор: Washington Post
Режимот, исто така, одржува силна контрола врз информациите што јавноста може да ги консумира. На пример, севернокорејката пропаганда во февруари 2019 година соопшти дека Ким е предводник за Нобеловата награда за мир, пред неговиот самит со претседателот Доналд Трамп, во Ханој, Виетнам. / извор: Radio Free Asia
И покрај тврдењата на севернокорејската пропаганда, самитот се сметаше за неуспешен откако разговорите пропаднаа, а самитот заврши порано од очекуваното, без значителен напредок во врска со нуклеарното разоружување. / извор: Business Insider
Меѓународната заедница веќе долго време го осудува рекордот во кршењето на човекови права во Северна Кореја. САД истакнаа жртви на особено несериозна бруталност, како Jи Сеонг-хо, кој присуствуваше на обраќањето на Трамп на во јануари 2018 година. / извор: Business Insider
Ји ја напуштил татковината во 2006 година. Тој изјавил дека преминал илјадници милји на патерици откако издржал години на глад, тешки повреди од паѓање на железничките патеки и тортура во рацете на севернокорејската полиција. / извор: The New York Times
„Јас разбирам дека сè уште ги чувате тие патерици како потсетник за тоа колку сте поминале“, рече Трамп за време на неговиот говор, додавајќи: „Приказната на Сеонг-хо е сведоштво за копнежот на секоја човечка душа да живее во слобода“. / извор: White House
Денеска, слободата е се уште далеку од реалноста за многумина во Северна Кореја.
