ЗОРАН ИВАНОВ
Вевчанскиот карневал кој поради сочувство за трагичното загинување на младиот соселанец, сограѓанин, годинава не блесна со својот традиционален сјај, сепак, впечатливо традиционално го сврте вниманието со низа пораки под маски, посебно со дел од политичко уметничкиот перформанс и нај посебно со онаа пронтно проколната инсталација што исклучително саркастична и духовита ја креирале група вевчанци натоварени со гајби за пивото „Даб“, практично асоцијативна порака на дабовиот крст на кој е распнат Исус, пластични гајби за пиво наредени во форма на крстови натрупани на плеќите на духовитите Вевчанци симулирајќи го така Исусовото распетие, чин кој пак налути некои црковни величини, оние без ронка чувство за критика, за иронија и сарказам, посебно за оној која се потсмева на некои нивни постапки па, поворката по вевчанските сокаци уште недоодена, уште маски не симнати и не запалени, ете ти ги скокум црковните и световните квази моралисти, тие истите кои со години молчеа и молчат за грдите појави меѓу влијателен дел од македонското свештенство, на кои, за сметка на солидарното со немоќните чеда од, нели, нивните стада кои катадневно ги канат на духовно богославение ама никако и на барем мала, ситна егзистенцијална утеха, истите тие кои видливо заборавија на своите монашки завети, оние на кои како што им растат духовните титули, така им растат и материјалните апетити, истите на кои за сметка на прокламираното духовно и скромното во нив, некако сè помило им станува материјалното над нив какви што се световните џипови, вилите и викендичките или пак урбаните или медиумските бизниси, сеедно па, еве и сега, и по оваа вевчанска карневалска година, налутени поради гајбите за пиво, побрзаа да се заканат со божја казна истурајќија така и сета своја духовна нетолерантност спрема една општествена, спрема една бенигна критичка жива инсталација со нагласена политичка но, како оваа со гајбите „дабови“ и општествена порака спакувано во посебна димензија креирана од инвентивните Вевчанци врз кои ја истурија божјата анатема, демек Господ гледал што е и точно но и што, кажано и во оваа една реченица, Господ гледа ама ги гледа и нив па…
